سلفنى مليون جنية ولك  تحياتى وقبلاتى

السلف تلف والرد خسارة

ناس كتير عايشة بالسلف والجميعات وان كانت الجميعات دايرة وبتدور على الكل تدفع كل شهر مبلغ متفق علية ولما يجى عليك الدور تخد مبلغ محترم وان كان دورك الاول ولا التانى هتفضل تدفع كل شهر لحد ما الجمعية تخلص.

سلفنى مليون جنية ولك  تحياتى وقبلاتى

سلفنى مليون جنية ولك  تحياتى وقبلاتى

حلم المليون جنية

كان زمان لو قلت عايز مليون جنية خصوصا لو كنت شاب لسة فى بداية حياتك, ديما تجد الناس الكبار تقول ليك انت لسة بتقول ياهادى أشتغل وكافح وكون نفسك عشان تكون حاجة  اية هيا الحاجة المهم يكون فى حاجة.

وتفضل تشتغل وتكافح ليل نهار وتبص للمرتب تضحك وتقول انا لو حوشت المرتب كلة محتاج خمسين عمر على عمرى عشان أعرف يكون معايا المليون جنية, وتقول لنفسك كدة مش نافع لازم اسافر هناك سهل المليون يجى.

نفس الحلم بس مع شكل جديد

الأيام دى لو حد فكر يجوز المليون أو نص المليون يادوبك يعرف يلم نفسة بيهم دة لو موجودين أصلاا, الجواز بقى ضرب نار والعريس يروح يتتقدم يشوف طلبات العجب والغريبة, واللى لاتناسب  الراتب ابدا .

عشان تتجوز عايز شقة والشقة عايزة غرفة نوم وصالة وانترية وصالون دة غير النيش والمطبخ وبياض للشقة وسراميك ودهب  ودة مع نفسة عايز صاروخ او فانوس علاء الدين يطلع العفريت ويعملك كل اللى نفسك فية.

يبقى الحل فى الجمعية

ودى كمان مش سهلة عايزة مجموعة دخل متقارب وكل شخص فيها هيقدر يدفع كل شهر اللى علية, ودى جمعية عشان تشترى حاجة تخد مبلغ كبير تحطة على جنب مش مليون جنية طبعا, المهم يكون مبلغ على جنب.

• الطريق ديما تحس أنة طويل
• وعايز صبر وطول بال ويكون رايق
• مش يبص هنا ولا هناك

مين  يسلف حد مليون جنية

طبعا مفيش حد هيسلف حد مليون جنية الإ لو هتروح البنك ودة بيكون عايز حاجات كتير تضمن المبلغ اللى هيدفعة ليك ولو مفيش يبقى أنسى الموضوع, حتى حكاية تفضل تحوش عشان يبقى معاك شىء من المستحيل.

الطريق عايز نظرة منك

 لازم الواحد يكون شايف الدنيا صح الراتب كم ولو حتى كان صغير فى نظرك لو شلت منة كل شهر جنية واحد بعد فترة هيكون مبلغ  كويس  عايز تعمل حاجة شيل ليها واعمل على كدة ومش تقول مستحيل حاول هتخسر اية.

السعادة والحياة الحلوة مش فى المليون

مش لازم يكون معاك مليون جنية أو فلوس كتيرة زى فلان وعلان عشان تكون سعيد, السعادة فى الرضا وأهم حاجة تكون قريب من ربنا الحاجة البسيطة هتحلى فى عنيك وهتكون حاجة كبيرة.

فى الختام

أنسى الدنيا بكل ما فيها وعيش الحياة العمر ساعات وفى ثانية بيروح امنبارح كنت 20 سنة النهاردة خمسين سنة صاروخ الأيام أسرع حاجة فى ثانية الدنيا تخطفك وفى ثانية تبص تجد حاجات كتير لسة بعيدة وعايزة خطة من جديد بس مين يسلفنى مليون جنية , أضحك من قلبك.

سلفنى مليون جنية ولك  تحياتى وقبلاتى